नृसिंहवाडी

रोज-रोज, तेच-तेच काम.खूप कंटाळा आला.कुठेतरी फिरायला जायचे.कुठे ? ऋतुजा, माथेरानला जावूया म्हणत होती.ऋषिकेश,नको म्हणत होता.अचानक मीच निर्णय घेतला.कोंकण पाहायला जाऊया ! कोंकण म्हणजे नेमके काय बघावे, याचे प्लॅनिंग करायला हवे होते.पण तसं काही न करता निघालो.एकतर सकाळी लवकर निघायला हवं होत, पण उशिरा उठलो.११ वाजले निघायला. मस्के सरांना कॉल केला. कुठ जावं ? सरांनी सांगितलेल्या रुट वरून निघालो.

      मंगळवेढा,सांगोला,सांगली,नृसिंहवाडी चे दत्त मंदिर.

    पहिल्यांदा नृसिंहपुर ला गेलो त्यावेळी सोळा सतरा वर्षांचा असेन,त्यांनतर कॉलेजमध्ये शिकत असताना एकदा गेलो असेन.ही तिसरी वेळ होती.

     साधारणतः तीस - चाळीस वर्षांपूर्वी गेलो तेव्हा इथे मंदिर सोडले तर काही नव्हते. आता एक शहर वसले आहे.किती फरक झाला आहे. मूळ मंदिर दिसत नाही.दुकाने,हॉटेल्स,लॉज,पार्किंग. सगळी सुविधा झालीय पण शांती हरवली आहे. नदीत पाणी आहे.त्यामुळे छान वाटले. एकदा गेलो तेव्हा पुर आला होता नदीला.

मंदिर दर्शन घेतले.गर्दी कमी होती.प्रसाद चालू होता,पण मुले नको म्हणतात.त्यांना नाही आवडत प्रसाद वगैरे म्हणून जेवण करावे.मग बाहेर गेलो.एका हॉटेल मध्ये जेवण केले.बरे होते, हॉटेल व जेवण.

   तिथून कोल्हापूरला निघालो.रस्ता अर्थातच Google बाबा मदतीला होतेच.

   पूर्ण सहल गाडी मुलगाच चालवणार असे चित्र आहे.

किल्ले तिकोना सहल

        'तिकोना' किला ट्रेक करण्यासाठी जेव्हा कॉलेजमधून निघालो तेव्हा रात्रीचे दहा वाजले असतील.तसे तर सकाळी किल्ल्याच्या पायथ्याला पोहोचावे व दिवसभर ट्रेक करावा या उद्देशानेच सहलीचे आयोजन,डॉ.शिवाजी मस्के सर करतात.यावेळी ही असेच आयोजन केलेल.नियोजन परफेक्ट केले होते.जवळ-जवळ पंच्चेचाळीस ट्रेकर्स बरोबर होते. काही नवीन तर काही जुनेच खिलाडी.तिकोना किल्ल्याच्या पायथ्याला सकाळी सातच्या दरम्यान पोहोचलो.तिकोना गावाच्या मोकळ्या पटांगणात बस उभी केली.फ्रेश होण्यासाठी एकच बाथरूम असल्याने आंघोळीचा विषय अवघड झाला.तसेच तयार झालो.दुड्डे सरांनी मात्र लगेच ओळख काढली व तयार होऊनच आले.✌✌✌

    हा ट्रेक तसा मागील ट्रेकच्या तुलनेत लहान होता.रविवार असल्यामुळे ट्रेकिंगला गर्दी होती.आज-काल समाजात ट्रेकिंग सहलिबाबत आवड निर्माण झाली आहे असे वाटते.

        या किल्ल्याला 'तिकोना' नाव पडण्यामागे कारण आहे किल्ल्याची रचना. किल्ल्याची रचना त्रिकोणी आहे. त्या गावाला सुद्धा तेच नाव दिले गेले आहे.बाकी माहिती गूगल वर आहेच.

                                           बेडसा लेणी वरील एक दृश्य 

         साधारणतः तासाभरात आम्ही किल्यावर पोहचलो असेल. म्हणजे 11 वाजता पोहचलो असेन किल्यावर.किल्ला खूप छोटा आहे. किल्यावरून दिसणार आस-पासचा भाग खूप विहंगम आहे. पवना धरणाचे बॅक वाटरचा विशाल पसारा खूपच मनोहर दिसतो. उंच डोंगर रांगा. जिथून आपण ट्रेक सुरू केला ते छोटेसे गांव.जंगल. मन प्रसन्न होते. सारा थकवा नष्ट होतो.कितीही फोटो काढले तरी मन भरत नाही. 

                                    तिकोना किल्ल्यावरील एक दृश्य 

बारा-एकच्या दरम्यान खाली आलो.जेवणासाठी बराच वेळ लागला.जेवण बरे होते.नंतर डॅम कडे निघालो.पण डॅम वर जायला परवाणगी मिळाली नाही. मग बेडसा लेणी पाहायला गेलो.

 

                                          किल्ल्यावरील महादेव मंदिर

एकंदरीत सहल छान झाली.संध्याकाळी निघालो. पुणे मार्गे सोलापूर. पुण्याच्या पुढे आल्यावर एका हॉटेलमध्ये जेवण केले. नाही,मला वाटते पांव भाजी वगैरे,काहीतरी खाल्ले व परत आलो.या सहलीत खाणे वगैरे सगळे गौण असते. मजा असते चालण्यात.  

या सहलीत धोत्रे सर,दुड्डे सर,मेटील सर, राजगुरू सर असल्याने मजा आली. 

         

        

किल्ले रतनगड

अनेक लोक गड-किल्ले वर ट्रेकिंग का करतात ? हा प्रश्न ज्यांना पडतो त्यांनी एकदा किल्ले ट्रेक जरूर करून पहावा..!

आमच्या कॉलेज द्वारे 2020 ला ट्रेकिंग क्लबची स्थापना करण्यात आली.क्लबचे सर्वेसर्वा आहेत डॉ.शिवाजी मस्के.मस्के सरांनी पहिला ट्रेक तापोळा किल्ल्यावर आयोजित केला.त्यावेळी सरांनी मला आग्रह केला पण रात्री जायचे दिवसभर चालायचे आणि पुन्हा रात्री परत यायचे.म्हणजे खूप दमछाक होणार, म्हणून मी नकार दिला.त्यावेळी म्हणजे 2020 ला 45 विद्यार्थी व प्राध्यापक ट्रेक यशस्वी करून आले आणि ट्रेकिंगचा आनंद व्यक्त करू लागले.माझ्याही मनात ट्रेक करण्याची इच्छा निर्माण झाली व मी 2021 ला पहिला ट्रेक किल्ले रतनगड येथे केला.

रात्री किल्ल्याच्या पायथ्याला पोहोचलो.सकाळी नाष्टा केला आणि निघालो.पहिली चढण खूप जाचली पण नंतर मात्र सुसाट सुटलो ते किल्ल्याच्या टोकावरच थांबलो.एक अद्वितीय,अद्भुत आनंद मिळाला.आत्मविश्वास आला. समुहाबरोबरचा सहवास,निसर्ग सौंदर्य सगळ्या गोष्टी कशा शरीरात आणि मनात नवीन ऊर्जा निर्माण करतात.

ही ऊर्जा परत परत आपल्याला ट्रेकिंगला घेऊन जाते.

किल्ले रतनगडच्या पायथ्याला छोटी - छोटी हॉटेल्स आहेत.एक सुंदर मंदिर आहे.एक पुरातन तलाव.खूप सुंदर जागा आहे ती.अगदी मन प्रसन्न झालं.आपण दोनशे मैलाच्या आसपास प्रवास करून आलो आहोत असं वाटलच नाही.इथे येण्याअगोदर एका मंगल कार्यालयात थांबून आम्ही फ्रेश झालो होतो.

ट्रेकला सुरुवात केली त्यावेळी साधारणतः 9 वाजले होते.तसा आम्हाला उशीर झाला होता.पण हवेत गारवा होता.त्यामुळे उशीर जाणवला नाही.

किल्ला चढतांना कुठे ही थकवा जाणवला नाही.या किल्ल्याला काही लोखंडी पायऱ्या आहेत.त्या चढतांना काही जण घाबरले.एक जण तर वरच आला नाही. तस घाबरण्यासारख काही नाही पण ...

किल्ल्याचे अवशेष पाहून खूप काही आनंद मिळत नाही पण चढण मजा देते.

आम्ही निघतांना जेवण बरोबर घेतले होते.कॉलेजच्या मुलांबरोबर बसून जेवण केले.फोटो काढले.किल्ल्याच्या टोकावर काही मुले आणि मी गेलो.बाकी आले मधूनच परत.

मी एवढे अंतर चालू शकेल असे मला कधीच वाटले नव्हते.पण चाललो.

एका मुलीने मात्र चांगलीच गंमत केली.ती वरपर्यंत आली पण उतरतांना जी घाबरली कि नंतर डोळेच उघडेना.खरेच असे होते का? 

गड किल्ल्यांवर जातांना माहिती घेवून जायला हवे.फक्त ट्रेक नको तर इतिहास सुद्धा वाचायला हवा.हा प्रदेश एकेकाळी कसा असेल.कोण कोण इथे राहिले.त्याचे महत्त्व काय?

काही का असेना लोक किल्ल्यावर सहल करीत आहे.गजबजलेल्या शहरात जाण्यापेक्षा हे कितीतरी दृष्टीने चांगले आहे.

संगमेश्वर च्या ट्रेकर्सनी लोहगड–विसापूर किल्ल्यावर साजरी केली शिवजयंती

 

        छत्रपती शिवाजी महाराज यांच्या जयंतीचे औचित्य साधून, किल्ल्याचे ऐतिहासिक महत्व व भौगोलिक स्थिती यांचा अभ्यास करण्याच्या उद्देशाने संगमेश्वर कॉलेजमधील ट्रेकिंग क्लबच्या वतीने लोहगड-विसापूर  किल्ल्यावर ट्रेकिंगचे आयोजन करण्यात आले होते. या ट्रेकिंगमध्ये 09 शिक्षक व शिक्षकेतर कर्मचाऱ्यांसह 37 विद्यार्थ्यांनी सहभागी होते. हे दोन्ही किल्ले यशस्वीरीत्या सर केले. या दोन्ही किल्ल्याचा इतिहास श्री. निंबाळकर या गाईडने विद्यार्थ्यांना समजावून सांगितला.

        सर्वांनी किल्ल्यांचा इतिहास जाणून घेऊन छत्रपती शिवाजी महाराज यांचा जयघोष करीत लोहगड – विसापूर  किल्ल्यावर शिवजयंती साजरी केली. पर्यावरणाचे संवर्धन करीत सर्व ट्रेकर 3400 फुट उंच लोहगड किल्ल्यावर पोहोचले. किल्ल्यावरील महादेवाचे दर्शन घेऊन सर्वांनी निसर्गाचा मनमुराद आनंद लुटला. लोहगड किल्ल्यावरील शिवकालीन तोफा, लक्ष्मी कोठी, विंचू कडा, दर्गा, सोळा कोणी विहीर, गुहा, महा दरवाजा, गणेश दरवाजा, हनुमान दरवाजा  आदी ठिकाणे पाहून सर्व ट्रेकरनी एकमेकांना हात देत सुखरूप खाली उतरले.

        त्यानंतर लोहगडाच्या जवळच असलेला 3556 फुट उंच विसापूर किल्ल्यावर चढाई केली. विसापूर  किल्ल्यावरील  महादेव व हनुमान मंदिर,  गुहा, पाण्याचे तलाव,  लांबवर पसरलेली तटबंदी, गडावरील एक मोठे जाते आदी ठिकाणे पहिली. यानंतर भाजे व कार्ले या प्राचीन बौद्ध लेण्यांना भेट देऊन लेण्यांची महिती घेतली. 

        क्लबचे समन्वयक डॉ.शिवाजी मस्के यांच्या नेतृत्वाखाली डॉ.दादासाहेब खांडेकर, डॉ.प्रवीण राजगुरू, प्रा.नागराज खराडे, प्रा.शिरीष जाधव, प्रा.युवराज सोलापुरे, भारत व्हनगावडे, संतोष फुलारी, विनायक सारंगमठ, धनंजय बच्चाव यांच्यासह विद्यार्थ्यांनी हा ट्रेक उत्साहात पूर्ण केला. यासाठी महाविद्यालयाचे प्रभारी प्राचार्य डॉ.राजेंद्र देसाई यांचे मार्गदर्शन लाभले.

West zone youth festival

🎭🏆🎭🏆🎭🏆🎭🏆

*सांस्कृतिक विभाग*

*संगमेश्वर स्वायत्त कॉलेज,सोलापूर*

36 वा पश्चिम विभागीय युवा महोत्सव गणपत विद्यापीठ, म्हैसाना. गुजरात येते घेण्यात आला.या स्पर्धेत संगमेश्वर स्वायत्त कॉलेज मधील 

1.सलोनी पानपाटील - समूह गीत, 

2.ऋतुराज व्हरकट- ललित कला,

3.उर्मी कुलकर्णी - शास्त्रीय नृत्य, 

4.अपूर्वा तलवार - लोकनृत्य,

5.प्राची डोंगरे - लोकनृत्य,

6.ओंकार पटणे - लोकनृत्य अशा एकूण सहा विद्यार्थी कलाकारांनी सहभाग नोंदवला.

या स्पर्धेत *ऋतुराज व्हरकट* या विद्यार्थ्यांस ललित कला या कलाप्रकारात *कोलाज - तृतीय* क्रमांकाचे बक्षीस प्राप्त झाले.

सर्व विद्यार्थी कलाकारांचे संगमेश्वर परिवारातर्फे हार्दिक अभिनंदन.

🏆🎭🏆🎭🏆🎭🏆🎭

अहवाल 2022-23 सांस्कृतिक विभाग, संगमेश्वर कॉलेज सोलापूर.

अहवाल 2022-23

सांस्कृतिक विभाग,

संगमेश्वर कॉलेज सोलापूर.

संगमेश्वर स्वायत्त कॉलेजच्या सांस्कृतिक विभागाने सांस्कृतिक क्षेत्रात नावलौकिक प्राप्त केला आहे. सांस्कृतिक विभागाने पु.अ.हो.सोलापूर विद्यापीठाच्या तसेच राज्यस्तरीय विविध सांस्कृतिक स्पर्धेमध्ये भाग घेऊन आपला वेगळा ठसा उमटवला आहे. या महाविद्यालयाच्या सांस्कृतिक विभागाने अनेक गुणी कलावंतांना त्यांच्या क्षेत्रात नावलौकिक मिळविण्यास मदत केली आहे.

दिनांक 16/ 09/ 2022 रोजी सांस्कृतिक विभागाच्या उद्घाटनाचा कार्यक्रम आयोजित केला होता. या उद्घाटन समारंभास मा.उपप्राचार्य डी.एम.मेत्री प्रमुख पाहुणे होते. पु.अ.होळकर सोलापूर विद्यापीठाच्या  विद्यार्थी विकास मंडळाचे माजी संचालक डॉ.प्रो.वसंत कोरे अध्यक्ष म्हणून उपस्थित होते. या उद्घाटन समारंभात संगमेश्वर कॉलेजच्या विद्यार्थी कलाकारांना मा.उपप्राचार्य डी.एम.मेत्री यांनी मार्गदर्शन केले.

दि 05 अक्टोबर 2022 रोजी सांस्कृतिक विभागात नटराज पूजन करून विविध कालेच्या सरावास सुरुवात केली. त्यावेळी माजी विद्यार्थी धनराज मदगोंड, प्रसाद विभूते, संगमेश्वर बिराजदार, ओमप्रकाश साळुंखे  व सांस्कृतिक विभागाचे विद्यार्थी इत्यादि उपस्थित होते. या शैक्षणिक वर्षात महाविद्यालयातील सांस्कृतिक विभागातील कलाकारांनी विविध स्पर्धेमध्ये सहभाग नोंदवला.

पुण्यश्लोक अहिल्यादेवी होळकर सोलापूर विद्यापीठातर्फे दि.09 ते 12 सप्टेंबर 2022 रोजी दलित मित्र कदम गुरुजी सायन्स कॉलेज, मंगळवेढा येथे आयोजित अठराव्या युवा महोत्सवात महाविद्यालयांने सहभाग नोंदविला. या युवा महोत्सवात विविध कलाप्रकारात एकूण गुण 50 मिळवत सर्वसाधारण द्वितीय (उपविजेता) संघ व एकूण 12 बक्षीसे मिळविली.

युवा महोत्सवातील विविध स्पर्धेसाठी  मा. शोभा बोल्ली, संतोष कुमठाळे, विश्वेश्वरय्या स्वामी, संगमेश्वर बिराजदार,  वैभव केंगार सर, प्रसाद विभुते, ओमप्रकाश साळुंखे, अभिजीत केनगार यांनी मार्गदर्शन केले .सांस्कृतिक विभाग प्रमुख म्हणून डॉ.दादासाहेब खांडेकर यांनी काम पाहिले. एकूण बक्षीस व त्याचे विवरण खालील प्रमाणे आहे.वरील कलाकारांसोबत या युवा महोत्सवात या कलाकारांनी आपले अमूल्य योगदान दिले. मिताली चौबे, मंजूषा उन्हाळे, पूजा कोली, अपूर्वा तलवार, प्राची माने, रेवती परकाळे, शारदा शेळके, क्रांति डोंगरे, अस्मिता मग्गीड, सायली मेंढे ,स्विटी राजेगांवकर, वांशिका व्यवहारे, स्नेहा जवळगीकर, गौरव सुरवसे, संदीप गायकवाड, कुणाल मारकड, अभिषेक चव्हाण, आदित्य पाटील.

पु.अ.हो.सोलापूर विद्यापीठ युवा महोत्सव 2021-22 व 22-23

सर्वसाधारण द्वितीय (उपविजेता) संघ

वैयक्तिक पारितोषिक मिळविणारे विद्यार्थी

1. एकांकिका-द्वितीय क्रमांक,      एकांकिका-उत्कृष्ट अभिनय, 

                                                द्वितीय क्रमांक,                          अनिकेत जमदाडे

                                                निर्मिती चित्र-तृतीय क्रमांक,

2. एकांकिका-द्वितीय क्रमांक,    निर्मिती चित्र- तृतीय क्रमांक,        अनिकेत फताटे

3. एकांकिका-द्वितीय क्रमांक,    एकांकिका-उत्कृष्ट दिग्दर्शन, 

                                                प्रथम क्रमांक,                             ऋतुराज व्हरकट

                                                निर्मिती चित्र- तृतीय क्रमांक,   

                                                कातर काम- तृतीय क्रमांक,

                                                भित्ति चित्र-प्रथम क्रमांक,         

                                                स्थळ चित्रण- द्वितीय क्रमांक,

                                                स्पॉट फोटोग्राफी-द्वितीय क्रमांक,

4. एकांकिका-द्वितीय क्रमांक,                                                          सरयू देशमुख

5. एकांकिका-द्वितीय क्रमांक,                                                          ऋतुजा डीगे

6. एकांकिका-द्वितीय क्रमांक,                                                         ऋषिकेश शिवशेट्टी

7. एकांकिका-द्वितीय क्रमांक,                                                          सई दरेकर

8. एकांकिका-द्वितीय क्रमांक,                                                         बसवराज बेरे

9. एकांकिका-द्वितीय क्रमांक,                                                        आदित्य पांडये

10. एकांकिका-द्वितीय क्रमांक,                                                      प्रज्योत म्हेत्रे

11. एकांकिका-द्वितीय क्रमांक,                                                       प्रतीक उग्राल

12. एकांकिका-द्वितीय क्रमांक,                                                      महेश स्वामी

13. शास्त्रीय नृत्य -प्रथम क्रमांक,                                                   उर्मी कुलकर्णी

14. मराठी वक्तृत्व- प्रथम क्रमांक,

             मराठी कथाकथन- प्रथम क्रमांक,                                        श्रेया माशाळ

            मराठी वक्तृत्व- तृतीय क्रमांक-2021,

15. समूहगीत- प्रथम क्रमांक,                                                         सलोनी पानपाटील

16. समूहगीत- प्रथम क्रमांक,                                                          दिपा सालोटगीमठ

17. समूहगीत- प्रथम क्रमांक,   निर्मिती चित्र- तृतीय क्रमांक,                प्राची डोंगरे

18. समूहगीत- प्रथम क्रमांक,                                                        नमिता पाटील

19. समूहगीत- प्रथम क्रमांक,                                                         गायत्री चराटे

20. सुगम गायन-द्वितीय क्रमांक, 

        शास्त्रीय गायन-द्वितीय क्रमांक,2021                                    वैष्णवी व्हनकडे
21. भित्ति चित्र-तृतीय क्रमांक, 2021                                              हच्चे सृष्टि

दि 17 /10 / 2022 रोजी युवा महोत्सवात मिळवलेल्या यशाबद्दल सर्व विद्यार्थी कलाकार व मार्गदर्शक यांचा मा.प्राचार्य यांनी सत्कार आयोजित केला.या कार्यक्रमास प्रमुख पाहुण्या श्रीमती शोभा बोल्ली उपस्थित होत्या. त्यांनी विद्यार्थी कलाकारांचे अभिनंदन केले व कलेची तारीफ केली.

सांस्कृतिक विभागाच्या यशामागे भक्कम आधार असलेल्या व सतत पुढे जाण्यास प्रोत्साहन देणाऱ्या मा.ज्योति काडादी मॅडम यांनी दि 14.10.2022 रोजी संगमेश्वर कॉलेजच्या कलाकारांचे व युथ फेस्टिवल टीम चे अभिनंदन केले.  

 

दि 5 ते 9.11.2022 दरम्यान राहुरी कृषी विद्यापीठ राहुरी येथे आयोजित महाराष्ट्र राज्य आंतरविद्यापीठ युवक महोत्सव इंद्रधनुष्य 2022-23 स्पर्धेमध्ये संगमेश्वर महाविद्यालयाचा विद्यार्थी ऋतुराज व्हरकट ने स्पॉट फोटोग्राफी या कलाप्रकारात द्वितीय तर कोलाज या कला प्रकारात तृतीय क्रमांकाचे पारितोषिक व शास्त्रीय नृत्य या कलाप्रकारात संगमेश्वर महाविद्यालयाची विद्यार्थिनी कु.उर्मी कुलकर्णी हिने द्वितीय क्रमांकाचे पारितोषिक पु.अ.हो.सोलापूर विद्यापीठाला मिळवून दिले.

डी.पी.बी.दयानंद शिक्षण शास्त्र महाविद्यालय सोलापूर व रोटरी क्लब ऑफ सोलापूर प्राईड यांच्या संयुक्त विद्यमाने आयोजित राज्यस्तरीय पथनाट्य स्पर्धेत संगमेश्वर स्वायत्त्य महाविद्यालय सांस्कृतिक विभाग सोलापूर राज्यातून प्रथम क्रमांक पटकावले. संगमेश्वर महाविद्यालयाच्या विद्यार्थ्यांनी आजाद का अमृत महोत्सव या विषया अंतर्गत ‘गांधी अजूनही का मरत नाहीत’ या विषयावर पथनाट्य सादरकरीत प्रथम क्रमांक मिळवला. या पथनाट्यमध्ये ऋषिकेश शिवशेट्टी, वंशिका व्यवहारे,अनिकेत फताटे,सई दरेकर, गौरव सुरवसे, महेश स्वामी,रेवती परकाळे, अस्मिता मग्गिड, मनोज घोरपडे आदी कलाकारांनी सहभाग घेतला होता. यांना मार्गदर्शन म्हणून सांस्कृतिक विभाग प्रमुख दादासाहेब खांडेकर यांचे मार्गदर्शन लाभले. तसेच संतोष कुमठाळे, ओम प्रकाश साळुंखे, प्रसाद विभुते, धनराज मदगोंड आदी प्रशिक्षकांचे सहकार्य लाभले. या विद्यार्थ्यांचे संगमेश्वर एज्युकेशन सोसायटीचे सचिव मा.धर्मराज काडादी, संगमेश्वर कॉलेजचे प्रभारी प्राचार्य डॉ. राजेंद्र देसाई यांनी अभिनंदन केले...!!!

 


प्रा. दादासाहेब खांडेकर,
समन्वयक,

सांस्कृतिक विभाग

तिकोना किल्ला

Read more »

पु.अ.हो.सो.विद्यापीठ, युवा महोत्सव 2022

 

युवा महोत्सव 2022

पुण्यश्लोक अहिल्यादेवी होळकर सोलापूर विद्यापीठ सोलापूर

युवा महोत्सव 2022

सर्वसाधारण द्वितीय (उपविजेता) संघ

संगमेश्वर कॉलेज, सोलापूर

( स्वायत्त )

एकूण बक्षीस संख्या 12

 

 ललित कला विभाग

अ. क्र.	कलाप्रकारचे नाव	पारितोषिक	विद्यार्थ्यांचे नाव
1.	कातर काम	तृतीय	ऋतुराज व्हरकट
2.	भित्ति चित्र	प्रथम	ऋतुराज व्हरकट
3.	स्थळ चित्रण	द्वितीय	ऋतुराज व्हरकट
4.	स्पॉट फोटोग्राफी	द्वितीय	ऋतुराज व्हरकट
5.	निर्मिती चित्र	तृतीय	ऋतुराज व्हरकट अनिकेत फताटे,अनिकेत जमदाडे, प्राची डोंगरे

नृत्य विभाग

अ. क्र.	कलाप्रकारचे नाव	पारितोषिक	विद्यार्थ्यांचे नाव
1.	शास्त्रीय नृत्य	प्रथम	उर्मी कुलकर्णी

वाङमय विभाग

अ. क्र.	कलाप्रकारचे नाव	पारितोषिक	विद्यार्थ्यांचे नाव
1.	मराठी वकृतव	प्रथम	श्रेया माशाळ
2.	मराठी कथाकथन	प्रथम	श्रेया माशाळ

वाङमय विभाग

अ. क्र.	कलाप्रकारचे नाव	पारितोषिक	विद्यार्थ्यांचे नाव
1.	समूहगीत	प्रथम	सलोनी पानपाटील, दिया सालोटगीमठ, प्राची डोंगरे,नमिता पाटिल, गायत्री चराटे

नाटय विभाग

अ. क्र.	कलाप्रकारचे नाव	पारितोषिक	विद्यार्थ्यांचे नाव
1.	एकांकिका उत्कृष्ट अभिनय	द्वितीय	अनिकेत जमदाडे
2.	उत्कृष्ट दिग्दर्शन	प्रथम	ऋतुराज व्हरकट
3.	एकांकिका	द्वितीय	अनिकेत जमदाडे, सरयू देशमुख, ऋतुजा डीगे, ऋषिकेश शिवशेट्टी,सई दरेकर, बसवराज बेरे, आदित्य पांडये, अनिकेत फताटे, प्रज्योत म्हेत्रे.

 

 

प्रा.डॉ.दादासाहेब खांडेकर

समन्वयक, सांस्कृतिक विभाग