#फोटोतील_मध्यभागी_नाचणारा_युवक

 #फोटोतील_मध्यभागी_नाचणारा_युवक

विद्यापीठाच्या 2022 च्या 18 व्या युवा महोत्सव मध्ये 51 अंकासह उपविजेता चषक कॉलेजला प्राप्त झाला. 19 व्या महोत्सवाची तयारी करीत असतांना काही विद्यार्थ्यांनी एक सल्ला दिला कि आपल्याला वाङ्मय कलाप्रकारात चांगली कामगिरी करायची असेल तर #जैद_अब्दुल_हसन_शेख' या कलाकार विद्यार्थ्याचा आपल्या कॉलेज मध्ये प्रवेश करायला हवा. अनिकेत,धनराज,रुद्र यांनी त्याच्याशी संपर्क सुरू केला. 'जैद' आमच्याच कॉलेजचा विद्यार्थी परंतु बारावी उत्तीर्ण झाल्यावर त्याने 'सोशल कॉलेज' मध्ये बी.ए.पदवी साठी प्रवेश घेतला. 18 व्या युवा महोत्सवात त्याने 'सोशल कॉलेज' ला अकेले के बलबुते पर पांच बक्षिसे मिळवून दिली होती. परंतु त्यानंतर तो 'शामची आई' व एका मालिकेच्या शूटिंग साठी मुंबईला गेला व तो परीक्षा देऊ शकला नाही त्यामुळे प्रथम वर्ष अनुत्तीर्ण झाला. आता त्यांचे हे वर्ष वाया जाणार होते.वर्ष वाया घालवण्यापेक्षा त्याने आमच्या महाविद्यालायात प्रवेश करावा असे त्याला मुलांनी सांगितले. प्रारंभी तो तयार नव्हताच पण नंतर तो माझ्याकडे आला. एक नम्र, नीटनेटका, हसरी मुद्रा व बोलके डोळे असलेल्या युवक अत्यंत शुद्ध आणि मधुर भाषेत माझ्याशी संभाषण करू लागला. मी त्याच्या व्यक्तिमत्वाने प्रभावित झालो. त्याला कागद पत्रे आणण्यास सांगितले व दोन दिवसांत प्रवेश पूर्ण केला.

स्वेरी येथील 19 व्या युवा महोत्सवात संपूर्ण नाट्य इव्हेंट ची जबाबदारी त्याला दिली. त्याने त्याच्या कुवतीप्रमाणे जबाबदारी पार पाडली. या युवा महोत्सवात त्याने एकूण चार बक्षिसे पटकावली परंतु तो आपल्या कामगिरिवर खुश नव्हता. मीही खुश नव्हतो. 2 गुणांनी आमचे तृतीय विजेतेपद हुकले. मी प्रचंड निराश झालो. जैद ज्या अपेक्षेने कॉलेज मध्ये प्रवेश करता झाला होता ती साध्य होताना दिसत नव्हती.

दरम्यानच्या काळात मुलीचे लग्न व इतर व्यापात मी सांस्कृतिक कार्यक्रमापासून अलिप्त झालो.

जैद सोलापुरात सांस्कृतिक कार्यक्रमात व्यस्त होता. मला ही कॉलेजसाठी सांस्कृतिक कार्यक्रमाचे आयोजन करायचे होते. मी जैद व रुद्रला बोललो व त्या दोघांनी #संगमेश्वर_कला_महोत्सवाचे आयोजन केले. दोन दिवस दिवसभर चालणाऱ्या संपूर्ण कला महोत्सवाचे आयोजन अत्यंत सुंदर प्रकारे त्यांनी पार पाडले. या कार्यक्रमाच्या निमित्ताने जैदकडे कमालीची ऊर्जा व प्रतिभा आहे हे मला ज्ञात झाले. त्यानंतर त्याने एकट्याच्या जिवावर हुतात्मा स्मृति मंदिर मध्ये #शायराना_साहीर' हा साहिर लुधियानवी यांच्या जीवनावर आधारित देखणा कार्यक्रम आयोजित केला. सर्व जबाबदारी त्याने स्वतः पार पाडली. अगदी एक हाती कार्यक्रम पार पाडला.

मधल्या काळात आमच्या गाठीभेटी होत राहिल्या. तो अनेक कामत व्यस्त होता. घरची परिस्थिति साधारण. वडिलांचा म्युजिक स्टुडिओ सांभाळने. तो रात्र रात्र जागून कामे करतो.

या वर्षी विद्यापीठाच्या 20 व्या युवा महोत्सवाची तयारी सुरू झाली तेव्हा मी इतका उत्साही नव्हतो. माझी जैद व रुद्र बरोबर चर्चा चालू होती काय करायचे. जैदने फक्त वाङमय कला प्रकारांवर भर द्यावा ही माझी मनोमन इच्छा होती. परंतु जैदचा सारा जीव नाटकात गुंतला होता.

आणि एके दिवसी मला #दीपक_शिंदे चा कॉल आला. सर मी दीपक बोलतो. माझी इच्छा आहे कि आपण माझी 'प्रेम कि यातना' ही एकांकिका सादर करावी. त्याने जैदला मुख्य भूमिकेत ग्राह्य धरून हा प्रस्ताव ठेवला होता. त्या दोघांची त्यावर बरीच चर्चा झाली होती. परंतु मला माहीत नव्हती. नंतर जैद सुद्धा आग्रह करू लागला. माझ्या लक्षात आले कि जैद खूप उत्सुक आहे. दीपक स्किट स्पर्धेच्या निमित्ताने सोलापुरात आला होता. दिपकला बोलाऊन घेतले. माझ्याशी चर्चा केली. मी दीपक वर विश्वास टाकायला तयार नव्हतो कारण बरेच जन मला सांगत होते कि असे विषय स्पर्धेत चलात नसतात. परंतु जैद ठाम होता.

20 व्या युवा महोत्सवात या एकांकिकेने प्रथम क्रमांक मिळविला. जैद व सई दोघांना अभिनयाचे प्रथम क्रमांकाचे बक्षीस मिळाले. जैदला #Goldan_Boy किताब मिळाला. अर्थात त्याने सर्व इव्हेंट मध्ये खूप परिश्रम घेतले. नकला, काव्यवाचन, एकांकिका, स्किट, पथनाट्य,लावणीत त्याने न लाजता नाच्याच्या भूमिकेत नृत्य केले.

त्याने जे स्वप्न घेऊन कॉलेज मध्ये प्रवेश घेतला होता ते स्वप्न पूर्ण झाले. अर्थात त्यात कॉलेजच्या चाळीस जणांच्या टीमची मोलाची साथ होती. माझ्या मनावरचा बोजा कमी झाला.

जैदचे भविष्य अत्यंत उज्वल आहे. तो नक्कीच मराठी नाटक सिनेमा मध्ये चमकताना दिसेल. तसे नव्हे दिसत आहे. त्याचा शामची आई मधील छोटा रोल अवश्य पहा.

#welldone #गोल्डन_बॉय #जैद

#PROUD_TO_BE_SANGAMESHWAR

Move your mouse to view the photo in 3D

All reactions:

31Jaid Shaikh, Sagar Rajepandhare and 29 others

#The_Signature_सही_स्वाक्षरी

 #The_Signature_सही_स्वाक्षरी

जेव्हा भारावलेला दर्शक,श्रोता आपल्याला सही मागतो तेव्हा त्या कलाकाराला जो आनंद मिळतो तो शब्दांत वर्णन करणे अशक्य असते. #जैद सोबत हा प्रसंग नुकताच घडून आला. जैद इंद्र धनुष्य युवा महोत्सवामध्ये सादर करण्यासाठी एकांकिकेचा सराव करत होता. प्रॅक्टिस पाहण्यासाठी हायस्कूल मधील काही विद्यार्थी आले. जैदच्या अभिनयाने ते भारावून गेले व नाटक समाप्त झाल्यावर एखाद्या प्रसिद्ध अभिनेत्याकडे ज्याप्रमाणे Signature मागतात तशी सही मागू लागले.

खरोखरच त्याचा अभिनय त्या ताकदीचा आहे काय ??????

अर्थात त्या सही मागणाऱ्या मुलांच्या दृष्टीने तरी नक्कीच असणार. परंतु खरेच यात काही तथ्य आहे काय ? एखाद्या स्पर्धेत अभिनयाचे प्रथम प्राइज मिळाले म्हणजे तसं काही सिद्ध होत का ? खरोखरच जैद इतका प्रौढ अभिनेता आहे काय ? या एकांकिकेत सईच्या अभिनयाचा वाटा किती आहे? असे अनेक प्रश्न निर्माण होतात.

ज्यावेळी जैद आणि दीपक मला भेटले व एकांकिकेची चर्चा केली त्यावेळी मी #लेखक_व_दिग्दर्शक_दीपक शिंदेची ती एकांकिका पहिली नव्हती. त्यामुळे ती स्पर्धेत उतरवण्याच्या योग्य आहे का नाही मला माहीत नव्हते त्यामुळे मी साशंक होतो. माझ्या मनाची द्विधा अवस्था पाहून दीपकने मला एकांकिकेची YouTube लिंक पाठवली. मी एकांकिका पहिली. एकदा,दोनदा,तीनदा आणि मग निर्णय घेतला कि ही एकांकिका सादर करायला काही हरकत नाही.

एकांकिकेचा सराव चालू झाला. परंतु इतर इव्हेंटच्या जुळवा-जुळवीच्या नादात मी एकांकिका कशी करताहेत हे पहिलेच नाही. एके दिवशी महेश एकांकिका पाहण्यासाठी आला. आम्ही एकांकिका पहात होतो. एकांकिकेत मी इतका involve झालो कि घशात दाटून आलेला दुखा:चा आवंढा लपवता येईना. मी आश्चर्यचकीत झालो कि आपण एवढे emotional कसे झालो.

खरेच हे नाटक तसे आहे काय ? हे तपासण्यासाठी मी ममताला सांगितले कि वेळ काढून एकांकिका बघ. ममता वेळ काढून आली आणि एकांकिका पाहिल्यावर म्हणाली- "काय करतोय जैद.अप्रतिम.आणि सई सुद्धा"

त्यानंतर दिपकने सत्यता तपासण्यासाठी हे नाटक कॉलेजमधील मुलांना दाखवयाला सुरुवात केली. नाटक पाहिल्यानंतर मुली हमसून रडायच्या. म्हणजे नाटक जोरात झाले यांची प्रचिती आली. दिपकाची एकांकिका, त्याने स्वतः अभिनय केलेला तरी तो जैदचा अभिनय पाहून भारावला होता. या एकांकिकेस बक्षीस मिळो अथवा न मिळो पण तिची जोरात चर्चा होणार ही सिद्ध झाले.

फेस्टिवल मध्ये एकांकिका पाहतांना अनेक जणांना रडताना आमच्या मुलांनी पाहिले. यशपाल, झाकीर तसेच अनेक कलाकार मित्रांनी एकांकिका व नाट्य कलाप्रकाराची मुक्त कंठाने प्रशंसा केली. याच सार श्रेय दीपक व श्रीपाद यांना जात. स्पर्धेत बक्षीस मिळणे कॉलेजसाठी महत्वाचे असले तरी सादरीकरणाची चर्चा होणे आवश्यक असते. कामाची तीच खरी पावती असते.

माझ्या मते जैद आणि सई पूरक काम करीत होते. सईने खूप मेहनत घेतली आणि त्याचे बक्षीस तिला मिळाले. स्त्री अभिनयात ती प्रथम आली. कॉलेजला नाट्य कला प्रकाराची ट्रॉफी मिळणे खरेच भारी होते. हे सर्व.

जैद आणि सई ने दीपकच्या एकांकिकेला सुंदर साज चढवला आहे. भविष्यात सुद्धा त्यांच्याकडून अपेक्षा आहेत. त्यावर ते किती कष्ट घेतात हे लवकरच दिसून येईल. पुढील स्पर्धेसाठी त्यांना खूप साऱ्या शुभेच्छा..!!!

2019 च्या युवा महोत्सव मध्ये '#लाली' एकांकिका सादर झाली होती. या एकांकिकेतील कलाकार ' #शिवा_सरगर' ने सुंदर अभिनय केला. त्यांचे पुढे काय झाले ? त्याने कलेमध्ये काय प्रगती केली मला माहीत नाही. परंतु त्याने एका खेडूत तरुणाचा सुंदर अभिनय आविष्कार घडवून आणला होता.

या फेस्टिवल कलाकारांमधून भविष्यातील जोरदार कलाकार घडावेत हीच विद्यापीठ प्रशासनाची इच्छा असते. नाही तर फेस्टिवल झाला खेळ खल्लास..!!