सामान्य ज्ञान स्पर्धा

आज दिनांक 27 सप्टेंबर 2023 रोजी संगमेश्वर कॉलेज मध्ये सांस्कृतिक विभाग तर्फे सामान्य ज्ञान स्पर्धा घेण्यात आली.या स्पर्धेत 131 स्पर्धक सहभागी झाले होते.कार्यक्रमाचे प्रास्ताविक सांस्कृतिक विभाग प्रमुख डॉ.दादासाहेब खांडेकर यांनी केले.स्पर्धेच्या उदघाटन समारंभास मा.प्र.प्राचार्य डॉ. राजेन्द्र देसाई उपस्थित होते. उदघाटनपर भाषणात त्यांनी स्पर्धकांना शुभेच्छा दिल्या व स्पर्धा निकोप होण्यासाठी शिस्त आणि प्रमाणिक गुणांचे महत्व सांगितले.स्पर्धा यशस्वी होण्यासाठी भानप मॅडम,बुवा सर,मस्के सर व सांस्कृतिक विभागाचे विद्यार्थी यांनी सहकार्य केले.

संगमेश्वरचे भोरगिरी ते भिमाशंकर यशस्वी ट्रेकिंग

 #संगमेश्वरचे भोरगिरी ते भिमाशंकर यशस्वी ट्रेकिंग

संगमेश्वर कॉलेज (स्वायत्त) सोलापूर मधील संगमेश्वर ट्रेकिंग क्लब च्या वतीने भोरगिरी ते भीमाशंकर ट्रेकिंग चे आयोजन करण्यात आले होते. त्यामध्ये १७ शिक्षक व शिक्षकेतर कर्मचाऱ्यांसह ८४ विद्यार्थ्यांनी सहभाग घेतला. सर्वप्रथम सर्व ट्रेकर्सनी २००० फुट उंच असलेला भोरगिरी किल्ला सर केला. त्यानंतर भोरगिरी ते भिमाशंकर हा प्रवास जंगलवाटेने करण्यात आला. पर्यावरणाचे संवर्धन करत सर्वांनी निसर्गाचा मनमुराद आनंद लुटला. भीमाशंकर हे भारतातील बारा ज्योतिर्लिंगांपैकी एक असून या ठिकाणी घनदाट असलेले भीमाशंकर अभयारण्य, गुप्त भीमाशंकर, छोटे छोटे धबधबे, कोकण कडा, सीतारामबाबा आश्रम, नागफणी व सोलापूर जिल्ह्याची वरदायनी असलेली भीमा नदीचा उगम सर्वांनी पाहिला. प्राध्यापक व विद्यार्थ्यांचे आरोग्य निरोगी रहावे. या उद्देशाने आपल्या कॉलेजमध्ये 'संगमेश्वर ट्रेकिंग क्लबची' स्थापना सन 2020 मध्ये करण्यात आली आहे. क्लबने आतापर्यंत वासोटा, रतनगड, तिकोना, विसापूर, लोहगड, भाजे कार्ला लेणी, एकवीरा देवी आदी ठिकाणी व किल्ल्यांवर यशस्वी रित्या ट्रेकिंग केलेली आहेत. यावर्षी प्रथमच पावसाळी ट्रेकचे आयोजन करण्यात आले होते. कल्बचे समन्वयक डॉ. शिवाजी मस्के यांच्या नेतृत्वाखाली प्रा. अर्जून धोत्रे, डॉ. संघप्रकाश दुड्डे, डॉ. दादासाहेब खांडेकर, डॉ. सारीपुत्र तुपेरे, डॉ. आण्णासाहेब साखरे, डॉ. बजरंग मेटील, डॉ. महेंद्र कावळे , प्रा. शिरीष जाधव, डॉ. रेषमा जावळे, प्रा. सोनाली गिरी, प्रा. नागेश खराडे, श्री. राहूल कराडे, मोहन काळे, संतोष फुलारी, धनंजय बच्चाव, किसन धनगर यांच्यासह विद्यार्थ्यांनी हा भोरगिरी ते भिमाशंकर ट्रेक उत्साहात पूर्ण केला. यासाठी काॅलेजचे प्रभारी प्राचार्य डॉ. राजेंद्र देसाई यांनी मार्गदर्शन केले.